24. Dezember guate 2000 Jahr später

Heit, mei Liaba, do hoaßts

für mi nomoi hetzn,

scho in oller Früah mim Wagn

in d`Stod nei wezn!

Frischn Lachs bsorng und aa

no anan Kaviar denga,

weil uns d`Weißwürscht langsam

scho zum Hois raushänga.

Dann de Hocker abhoin,

de für de Kellerbar

weil da Schreiner gestern

no ned fertig war.

Und zum Friedhof schnell no

mit am Bäumerl naus.

De Verwandtschaft richt uns

sonst ned wenig aus.

Am Paketpostamt

da Tant ihr ihr Packl hoin.

Do kost de Fahrt scho mehra,

ois ihr ganza Stoin.

Bei der Hetz kumm i zu

gar koam Mittaogessen.

Trotzdem moan i oiwei,

i hätt wos vagess`n.

Hoit, jetzt kummt`s ma –- helft`s ma

g`schwind no auf sein Nam! –

Heit muaß irgenwer

aa no an Geburtsdog ham.

Quelle: Richard